‘ఉస్తాద్ భగత్ సింగ్’ బ్రేక్ ఈవెన్ టార్గెట్ ఎంత?

‘ఉస్తాద్ భగత్ సింగ్’ బ్రేక్ ఈవెన్ టార్గెట్ ఎంత?

పవర్ స్టార్ పవన్ కళ్యాణ్, దర్శకుడు హరీష్ శంకర్ కాంబినేషన్‌లో వస్తున్న క్రేజీ ప్రాజెక్ట్ ‘ఉస్తాద్ భగత్ సింగ్’. గబ్బర్ సింగ్ వంటి ఇండస్ట్రీ హిట్ తర్వాత వీరిద్దరి కలయికలో సినిమా వస్తుండటంతో ట్రేడ్ వర్గాల్లో భారీ అంచనాలు నెలకొన్నాయి. తాజాగా ఈ చిత్రానికి సంబంధించిన థియేట్రికల్ బిజినెస్ లెక్కలు ప్రకారం ఈ సినిమా బాక్సాఫీస్ వద్ద హిట్ అవాలంటే భారీ వసూళ్లను సాధించాల్సి ఉంది. నైజాంలో 50 కోట్లు, ఆంధ్రాలో 54 కోట్లు, సీడెడ్‌లో 16 కోట్లు, కర్ణాటకలో 5 కోట్లు, ఓవర్సీస్‌లో 12 కోట్ల రూపాయల మేర బిజినెస్ జరిగినట్టుగా టాక్ వినబడుతోంది. మొత్తంగా చూసుకుంటే.. ఈ సినిమా బిజినెస్ దాదాపు 137 కోట్ల వరకు జరిగిందని ట్రేడ్ వర్గాల సమాచారం. దీంతో ఈ సినిమా లాభాల్లోకి రావాలంటే కనీసం 140 కోట్ల రూపాయల షేర్ వసూలు చేయాల్సి ఉంటుంది. గ్రాస్ పరంగా చూస్తే.. ప్రపంచవ్యాప్తంగా సుమారుగా 225 కోట్ల రూపాయలు రాబట్టాల్సి ఉంటుంది. ఈ సినిమాను మైత్రీ మూవీ మేకర్స్ ఎక్కడ కాంప్రమైజ్ కాకుండా భారీ బడ్జెట్‌తో నిర్మించారు. సుమారుగా 150 కోట్ల బడ్జెట్ ఖర్చు చేసినట్టుగా టాక్. ఇక ఈ చిత్రంలో శ్రీలీల, రాశీ ఖన్నా కథానాయికలుగా నటించగా.. ఉగాది కానుకగా మార్చి 19న ప్రపంచవ్యాప్తంగా విడుదల కానుంది. దేవీ శ్రీ ప్రసాద్ సంగీంత అందిస్తుండగా, థమన్ బ్యాక్ గ్రౌండ్ స్కోర్ చేస్తున్నారు.